முதல் நாள் வேலைநிறுத்த போராட்டம் மகத்தான வெற்றி.

       மத்திய சங்க அறிவிப்பின்படி இன்று முதல்(16.08.2017) நடைபெறுகின்ற காலவரையற்ற வேலைநிறுத்த போராட்டத்தில் தமிழகத்தில் அனைத்து கோட்டங்களிலும் பெருவாரியான கிளை அஞ்சலகங்கள் மூடப்பட்டு ஏராளமான தோழர்களும் தோழியர்களும் போராட்டத்தில் தங்களை ஈடுபடுத்திக்கொண்டுள்ளனர். நமது AIGDSU சங்கத்தின் நியாயமான கோரிக்கைகளுக்காக மாற்று சங்கத்தை சார்ந்த தோழர் தோழியர்கள் பெரும்பாலான கோட்டங்களில் நம்மோடு இணைந்து போராட்டத்தில் ஈடுபட்டுள்ளனர். அனைத்து தோழர்களுக்கும் தோழியர்களுக்கும் மாநில சங்கம் வீர வாழ்த்துக்களை தெரிவித்துக்கொள்கிறது. போராட்ட வீச்சத்தினை முனைப்புடன் நடத்திட உழைத்திட்ட கோட்ட,கிளை நிர்வாகிகளுக்கும் மாநில சங்கம் வீர வாழ்த்துக்களை தெரிவித்துக்கொள்வதோடு இச்செய்தியினை அனைத்து தோழர் தோழியருக்கும் தெரிவித்திடவும் கோரிக்கைகளை வென்றெடுக்கும் வரை போராட்டத்தினை முன்னெடுத்துச்செல்ல மாநில சங்கம் வேண்டுகோள் விடுக்கிறது.

A.இஸ்மாயில்

மாநில செயலர்